-
İraqın hökumət qüvvələri Tikrit şəhərini İslam Dövləti (İD) ekstremist qrupundan almaq üçün iri miqyaslı hərbi əməliyyata başlayıb.
Dövlət televiziyası martın 2-də xəbər verib ki, hərbi qüvvələr Bağdaddan 130 km şimalda yerləşən İD mövqelərinə hücum edib. Qüvvələrə şiə və sünni döyüşçüləri, İraq qırıcı təyyarələrinin hava zərbələri yardım edir.
Yaraqlıların şəhər ətrafında bəzi ərazilərdən çıxarıldığı bildirilir.
Əməliyyatdan öncə baş nazir Haidar al-Aadi Tikritdəki sünni tayfa döyüşçülərini Tikritdən çıxmağa çağırıb, onların əfv olunacağını deyib.
İD Tikriti ötən yay tutub.