-
Ukraynanın şərqində son 24 saat ərzində bir ukraynalı jurnalist həlak olub. Üç hərbçi isə yaralanıb.
Ukrayna Milli Təhlükəsizlik və Müdafiə Şurasının sözçüsü Andrei Lysenko-nun dediyinə görə, Peski şəhərində həlak olan fotomüxbir “Seqodnya” qəzetinin əməkdaşı Sergei Nikolayev-dir. Jurnalistin ölümünə mina qəlpəsi səbəb olub.
Özünü “Donetsk Xalq Respublikası” (DXR) elan etmiş hökumətin müdafiə nazirliyinin nümayəndəsi Eduard Basurin bildirib ki, DXR-nin son ağır silahlı qüvvələri münaqişə tərəflərinin təmas xəttini bazar günü – martın 1-də tərk edəcək.