“ABŞ Ukraynanın şərqində atəşkəs rejiminin pozulmasından narahatdır”.
Bunu ABŞ Dövlət Departamentinin sözçüsü Jen Psaki fevralın 23-də deyib.
O qeyd edib ki, Ukrayna hökuməti və rusiyapərəst separatçılar ötən istirahət günlərində əsir mübadiləsi ediblər.
Amma Vaşinqton Debaltseve, Mariupol və Ukraynanın şərqindəki digər ərazilərdə atəşkəsin pozulmasından hələ də narahatdır.
Fevralın 12-də Minskdə əldə edilmiş son razılaşmaya əsasən tərəflər fevralın 15-də atəşkəs elan etməli, 2 gündən sonra isə ağır silahları cəbhə xəttindən geri çəkməli idilər.
Amma tərəflər hələ də bir-birini atəşkəs rejimini pozmaqda günahlandırır.
Ötən ilin aprelindən bu yana Ukraynanın şərqində hökumət qoşunları ilə rusiyapərəst separatçılar arasında gedən döyüşlərdə 5 mndən çox adamölüb.
ABŞ və Avropa Birliyi Rusiyanı Ukraynanın şərqindəki rusiyapərəst separatçıları silahlandırmaqda günahlandırır.
Moskva ittihamı rədd edir.