«Transxəzər» boru kəməri ilə bağlı Azərbaycan və Qazaxıstan arasındakı müzakirələr bu il noyabrın sonunda başlana bilər. Azərbaycanın Qazaxıstandakı səfiri Lətif Qəndilovun dediyinə görə, Sənaye və Energetika naziri Natiq Əliyevin həmin müddətdə bu müzakirələri aparmaq üçün Qazaxıstana səfər etməsi planlaşdırılıb. Xəzərin dibiylə çəkilməsi nəzərdə tutulan bu kəmər Qazaxıstan neftini Bakı-Tbilisi-Ceyhan boru kəməri vasitəsilə Avropa bazarlarına çıxarmaq üçün lazım olacaq.