“Rusiya Debaltsevedə Ukrayna ordusuna qarşı müasir silahdan istifadə edib”.
Bunu NATO-nun baş katibi Jens Stoltenberg Avropa Birliyi ölkələri müdafiə nazirlərinin Riqada keçirilən qeyri-rəsmi görüşündə jurnalistlər qarşısında çıxış edərkən deyib.
O Rusiyanı öz ordusunu Ukraynanın şərqindən çıxarmağa,Minsk razılaşmasına hörmətlə yanaşmağa və separatçılara dəstəyi dayandırmağa çağırıb.
Stoltenberg bildirib ki, NATO Ukraynaya siyasi dəstəyi davam etdirəcək.