Keçid linkləri

2016, 06 Dekabr, çərşənbə axşamı, Bakı vaxtı 14:23

-

«Elgiz Sadıqovun hazırda harada saxlandığından xəbərim yoxdur, məhkəmə onun barəsində 2 aylıq həbs qəti-imkan tədbiri seçib».

Küllü miqdarda narkotik maddə saxlamaq ittihamı ilə fevralın 13-də saxlanan Elgiz Sadıqovun atası - keçmiş Müsavat üzvü Əlövsət Sadıqlı AzadlıqRadiosuna açıqlamasında belə deyib.

Bildirib ki, Elgiz Sadıqovun məhkəməsi fevralın 14-də axşam saatlarında keçirilib. Vəkilinin dediyinə görə, o, özünü təqsirli bilməyib, narkotik maddənin onun idarə olunduğu avtomobilə qəsdən qoyulduğunu deyib.

Elgiz Sadıqov ilə eyni gündə Əlövsət Sadıqlının özü də saxlanıb. Fevralın 14-də polisə müqavimət ittihamı ilə məhkəməyə aparılıb, məhkəmədə bəraət alıb.

Əlövsət Sadıqlı oğlunun həbsinin siyasi sifariş olduğunu iddia edir. Hesab edir ki, onlara qarşı bu addımların səbəbi ailənin Almaniyada yaşayan böyük oğlu Tural Sadıxlının siyasi fəaliyyətidir.

Günün bütün mövzuları

XS
SM
MD
LG