Xəzər dənizində itkin düşmüş 2 nəfər balıqçının axtarışları davam etdirilir.
APA-nın Fövqəladə Hallar Nazirliyinin (FHN) saytına istinadən verdiyi xəbərə görə, fevralın 12-də Lənkəran rayonu, Nərimanabad kəndi ərazisindən balıq tutmaq məqsədilə dənizə çıxmış 2 nəfər balıqçının axtarışları davam etdirilir.
Axtarışlara nazirliyin Dövlət Sularda Xilasetmə Xidmətinin Xilasediciləri və aviasiya dəstəsinin helikopteri cəlb olunub.