Yaponiyanın xarici işlər nazirliyi yerli fotoqrafın Suriyaya səfər etməsinə imkan verməyib.
Suriyada "İslam dövləti" yaraqlıları ilə bağlı fotosessiya etmək istəyən Yuiti Sagomoto-nın xarici pasportu müsadirə edilib.
Bundan qabaq nazirliyin işçiləri Sagomoto ilə müzakirələr aparıb səfərin onun həyatına təhlükə yaratdığını desələr də, o, fikrindən dönməmişdi.
O, nazirliyin qadağasını söz azadlığının pozulması kimi qiymətləndirib.
Suriya və İraqdakı "İslam dövləti" yaraqlıları bir müddət əvvəl iki yapon girovun başını kəsiblər.