Birləşmiş Ərəb Əmirlikləri İordaniya pilotunun cihadçlılar tərəfindən diri-diri yandırılmasının ardınca Suriyada İslam Dövlətinə qarşı hava zərbələri kampaniyasından çıxıb.
Buna səbəb əsir düşən pilotlarlın xilasına dair heç bir taktiki proqramın olmamasıdır.
ABŞ onun İD-ə qarşı hava reydlərində dörd ərəb müttəfiqindən birinin kampaniyadan çıxdığını təsdiq edib.
İordaniyadan alınan xəbərlərdə deyilir ki, krallıq pilot Muadh al-Kasasbeh-nin qisasını almaq naminə İD-in üzərinə hücumlarını şiddətləndirəcək.
İordaniya hadisədən əvvəl İD-in pilotla dəyişmək istədiyi intiharçı qadını Muadh al-Kasasbeh-in yandırılması xəbəri gələn kimi asıb.
Sajida al-Rishawi ilə birlikdə əl-Qaedanın İraqdakı əməliyyatçısı Ziyad Karboli də edam olunub.
Bununla belə, təhlilçilər deyirlər ki, ölkədə İordaniyanın beynəlxalq koalisiyada iştirakına qarşı müxalifət genişlənə bilər.
Amerikanın başçılığı altında İD-ə qarşı hava kampaniyasında ərəb ölkələrindən Səudiyyə Ərəbistanı, Birləşmiş Ərəb Əmirlikləri, Bəhreyn və İordaniya iştirak edirlər.
“The New York Times” qəzeti yazır ki, İordaniya pilotunun edamından sarsılan BƏR Birləşmiş Ştatlardan pilotların axtarış-xilasetmə işinin yaxşılaşdırılmasını tələb edib.
Belə xilasetmə V-22 Osprey təyyarələrinin iştirakını tələb edir.
Birləşmiş Ərəb Əmirlikləri həmçinin İranın İD-ə qarşı kampaniyada geniş iştirakına imkan yaradılmasından narazıdır.