Keçid linkləri

logo-print
2016, 03 Dekabr, şənbə, Bakı vaxtı 00:22

.

«Nemət Pənahlının səhhəti günügündən pisləşir. Şəkər xəstəsidir. Təmiz hava və hərəkət lazımdır. Bunlar yoxdur. Hər dəfə onu görəndə deyir ki, səhhəti pisləşir, getdikcə zəifləyir»

Həyat yoldaşı Həcər Pənahlı həbsdəki Milli Dövlətçilik Partiyasının Nemət Pənahlının durumundan narahatdır. Bildirir ki, məhbusun səhhəti getdikcə pisləşdiyini deyir.

Bildirir ki, Nemət Pəahlı cəmi bir saat təmiz havada olur. Müalicəsi isə demək olar ki, aparılmır:

«Şəkər xəstəliyi üçün gündə bir həb atır. Bu da olur onun müalicəsi. Halbuki, ciddi müalicə almalıdır. Türmə şəraiti ona çox ziyan vurur».

Həcər Pənahlı bildirir ki, həyat yoldaşının ciddi müalicəsi üçün çox yerə müraciət edib. Ancaq vəziyyət müsbətə doğru həllini tapmayıb:

«4 il çox yerə müraciət etmişəm xeyri olmayıb. Biz şikayət etdikcə onun saxlanma durumunu daha da pisləşdiriblər. Şikayət etdikcə daha pis şəraitli həbsxanaya köçürürlər. Daha başa düşürəm ki, heç bir mənası yoxdur. Xahiş etdikcə vəziyyət mənfiyə doğru dəyişir. Bu yaxınlarda prezidentə müraciət etməyi düşünürəm. Ümidim çox az olsa da,bəlkə onda nəsə dəyişiklik oldu. Bir adamın bu qədər haqqına girmək olmaz».

Məsələ ilə bağlı Penitensiar xidmətin mövqeyini almaq mümkün olmadı.

Nemət Pənahlı 2011-ci il yanvarın 8-də tutulub, xuliqanlıq və qəsdən sağlamlığa az ağır zərər vurma ittihamı ilə 6 il müddətinə azadlıqdan məhrum edilib. Hazırda o Qobustan həbsxanasında saxlanılır.

Günün bütün mövzuları

XS
SM
MD
LG