-
Suriyada döyüşlərdə Qırğızıstanın 22 vətəndaşı öldürülüb. Bunu ölkənin Daxili İşlər Nazirliyinin təhqiqat departamentinin rəhbəri Rafik Mambetaliev fevralın 2-də deyib. O, əlavə edib ki, 200-dən çox vətəndaş Suriyaya gedib. Onlardan 30-u qadındır.
Suriyaya göndərmək üçün qırğızların yığıldığı 83 hal aşkarlanıb.
"Biz ekstremizmin, terrorçuluğun, beynəlxalq münaqişələrə qanunsuz miqrasiyanın kökünü kəsməyə çalışırıq, " Mambetaliev deyib.
Orta Asiya dövlətləri vətəndaşlarının cihadçı qruplara qoşulmasını əngəlləməyə çalışır. Beynəlxalq Böhran Qrupunun hesablamalarına görə, son 3 ildə Orta Asiyadan 2-4 min adam cihadçılara qoşulmaq üçün Suriyaya gedib.