«Rusiya ilə Azərbaycan arasında münasibətlər son dərəcə müsbət inkişaf edir və ikitərəfli münasibətlərdə heç bir problem yoxdur». Rusiya Xarici İşlər Nazirliyinin Mətbuat və İnformasiya Departamentinin rəhbəri Mixail Kamınin bunu oktyabrın 20-də azərbaycanlı həmkarı Tahir Tağızadə ilə keçirdiyi görüşdən sonra bildirdi. Danışıqların məqsədi isə Rusiya və Azərbaycan xarici işlər nazirlikləri arasındakı informasiya təminatı məsələləri sahəsində təcrübə mübadiləsi aparmaq olub. Cənab Kamınin danışıqlarda siyasi məsələləri müzakirə etmədiklərini, buna görə də əlavə suallara cavab vermək istəmədiyini bildirdi.