-
ABŞ Prezidenti Barack Obama yanvarın 20-də (Mərkəzi Avropa vaxtıyla yanvarın 21-də səhər 03:00) altıncı illik çıxışını edəcək. Şərhçilər deyir ki, çıxış bir sıra məsələləri əhatə edəcək. Prezident immiqrasiya, səhiyyə islahatları, ətraf mühit siyasəti və milli təhlükəsizlikdən danışacaq.
Obama özü bildirib ki, ABŞ iqtisadiyyatının dirçəlməsindən, bundan maaşları qaldırmaq üçün necə yararlanmaqdan danışacaq.
Noyabr seçkilərindən sonra ilk dəfədir ki, Obama Respublikaçı Senat və Nümayəndələr Palatası qarşısında çıxış edir.
Obama çıxışında xarici siyasətə də toxunacaq. Mümkün mövzular sırasında İslam Dövləti (İD) yaraqlıları ilə mübarizə də var.