Yanvarın 20-də Azərbaycan Qara yanvar faciəsinin 25-ci ildönümünü anır.
Keçmiş Sovet rejimi 1990-cı il yanvarın 19-dan 20-ə keçən gecə Azərbaycanda milli-azadlıq hərəkatını boğmaq üçün Bakıya qoşun yeritdi.
Əməliyyat zamanı 130-dan çox adam öldürüldü, 700-dən çox adam yaralandı.
Hər il yanvarın 20-də Bakı və ölkənin bütün bölgələrində bu qanlı hadisələrdə ölənlərin xatirəsi anılır.
Səhər saatlarından başlayaraq ölkə rəsmiləri də daxil olmaqla Bakıdakı Şəhidlər Xiyabanına minlərlə insan axışır.
AzadlıqRadiosu-nun 20 Yanvar səhifəsində bu faciə ilə bağlı foto və videolar, xəritələr və canlı şahidlərin dediklərilə tanış ola bilərsiz.