NATO baş katibinin Cənubi Qafqaz və Orta Asiya üzrə xüsusi nümayəndəsi James Appathurai Dağlıq Qarabağ münaqişəsi ətrafında gərginliyin artmasından narahatlıq bildirib.
“Armenpress.am” saytının məlumatına görə, İrəvanda səfərdə olan James Appathurai yanvarın 15-də Ermənistanın müdafiə naziri Seyran Ohanyan və xarici işlər naziri Edward Nalbandianla görüşüb.
Danışıqlar zamanı NATO və Ermənistan arasında əməkdaşlıq, bölgədəki vəziyyət və regional məsələlər müzakirə olunub.