.
Yanvarın 12-də Mərkəzi Seçki Komissiyası 2014-cü il dekabrın 23-də keçirilmiş bələdiyyə seçkisinin nəticələrini təsdiq edib. Amma MSK-nın qərarında cəzalandırılanlar da var.
APA informasiya agentliyinin məlumatına MSK yol verdiyi nöqsanlara görə 8 bələdiyyədə seçkinin nəticələrinin ləğv edilməsi, 43 seçki məntəqəsi üzrə seçkinin nəticələrinin etibarsız sayılması barədə qərar verib.
MSK üzvü Akif Qurbanov seçkinin qanun pozuntuları şəraitində keçdiyini deyərək nəticələrin tam ləğv olunmasını təklif edib. MSK katibi Mikayıl Rəhimov isə şikayətlərin 50 faizinin adiyyəti üzrə ünvanlanmadığını bildirib.
Amma yekunda MSK üzvləri bələdiyyə seçkilərinin yekunları ilə bağlı protokolu təsdiq ediblər.
