-
Azərbaycanda avtomobillərə texniki baxışın keçirilməsi üçün yol vergisinin ödənilməsi haqda arayışa ehtiyac olmayacaq. Bu dəyişiklik Azərbaycan prezidentinin yeni fərmanından doğur. Maşınların qeydiyyatı zamanı yol vergisi arayışının yoxlanması praktikası da dayandırılır.
Fərman dövlət büdcəsinə daxilolmaların artırılması üçün tədbirlərin görülməsi nəzərdə tutur. Vergilərin ödənilməsi haqda prezidentə hər 3 aydan 1 məlumat veriləcək. Bundan başqa, Nazirlər kabinetinin və mərkəzi icra orqanların normativ aktları 2 ay ərzində yeni qanun tələblərinə uyğunlaşdırmalıdırlar.
İlham Əliyevin imzaladığı fərman tam olaraq belə adlanır
“Azərbaycan Respublikasının Vergi Məcəlləsində dəyişikliklər edilməsi haqqında” Azərbaycan Respublikasının 2014-cü il 30 dekabr tarixli 1167-IVQD nömrəli Qanununun tətbiqi və “Azərbaycan Respublikası Vergi Məcəlləsinin təsdiq edilməsi, qüvvəyə minməsi və bununla bağlı hüquqi tənzimləmə məsələləri haqqında” Azərbaycan Respublikası Qanununun və bu Qanunla təsdiq edilmiş Azərbaycan Respublikası Vergi Məcəlləsinin tətbiq edilməsi barədə” Azərbaycan Respublikası Prezidentinin 2000-ci il 30 avqust tarixli 393 nömrəli Fərmanında dəyişikliklər edilməsi haqqında Azərbaycan Respublikası Prezidentinin Fərmanı
