-
Həbsdə olan hüquq müdafiəçiləri İntiqam Əliyev və Rəsul Cəfərovun cinayət işləri üzrə sənədlər Bakı Ağır Cinayətlər Məhkəməsinə göndərilib. Bu haqda AzadlıqRadiosuna məhbusların vəkilləri məlumat verib. Sənədlər nəzərdən keçirildikdən sonra məhkəmə proseslərinin vaxtı təyin olunacaq.
Rəsul Cəfərov 2014-cü il avqustun 2-də, İntiqam Əliyev isə 8-də həbs edilib.
Hər iki hüquq müdafiəçisi qanunsuz sahibkarlıq, vergi ödənişindən yayınma, sui-istifadə ittihamları irəli ilə həbs olunub.
Rəsul Cəfərov və İntiqam Əliyev ittihamların saxta olduğunu, həbslərinin siyasi sifariş olduğunu deyirlər.
“Amnesty International” beynəlxalq hüquq müdafiə təşkilatı onları “vicdan məhbusu” kimi tanıyır.