“2015-ci il Dağlıq Qarabağda sülh və uzunmüddətli həll ili olmalıdır. Zorakılığın bərpası buna cavab deyil”.
Bunu ATƏT-in Minsk Qrupunun amerikalı həmsədri James Warlick özünün Twitter səhifəsində son günlər cəbhə xəttində gərginliyin artmasına münasibət bildirərkən yazıb.
Yanvarın 3-də cəbhə bölgəsində yenidən insident baş verib.
Ermənistan tərəfi Azərbaycanın təxribat qrupunun hücumu nəticəsində 2 hərbçisinin öldüyünü bildirir.
Azərbaycan tərəfi isə bunu təkzib edir və hərbçilərin hərbi hissədə baş verən atışma nəticəsində öldüyünü bildirib.