Moskva ilə Dehli Rusiyanın köməkliyi ilə Hindistanda atom elektrik stansiyalarının tikintisi və onların nüvə yanacağı ilə təmin edilməsi barədə yeni müqavilələr imzalayıblar.
Sənədlər Rusiya prezidenti Vladimir Putinin dekabrın 11-də Dehliyə səfəri zamanı imzalanıb.
Hindistanın baş naziri Narendra Modi bildirib ki, bu müqavilələrdə Hindistanda 10-dan çox nüvə reaktoru tikilməsi nəzərdə tutulur.
Həmçinin Rusiyanın Rosneft və Hindistanın Essar şirkəti arasında ilkin razılaşma imzalanıb.
Razılaşmada növbəti 10 illikdə Rusiyadan Hindistana 10 milyon tonlarla neft ixracı nəzərdə tutulur.