Keçid linkləri

2016, 11 Dekabr, bazar, Bakı vaxtı 18:21

-

«Mənimlə görüşə Leyla Yunus 50 metrlik koridoru 20-25 dəqiqəyə gəldi». Bunu AzadlıqRadiosuna dekabrın 9-da həbsdə olan hüquq müdafiəçisi Leyla Yunusla görüşmüş vəkili Ramiz Məmmədov deyir:

«Xəstəliklərində irəliləyiş yoxdur. İndiyədək aparılmış müayinələrin, analizlərin nəticəsini istəyir, ancaq ona vermirlər. Başa düşür ki, onu aldadırlar. Şəkəri, təzyiqi yüksək olduğu halda deyirlər ki, normaldır. Dərmanları evdən gəlir, indi ona da problem yaradırlar».

««HERKULES» BURAXMIRLAR»

Vəkilin dediyinə görə, şəkərli diabet xəstəsinə hərəkət vacib olduğu halda təcridxanada bu imkandan məhrumdur:

«Noyabrın 25-dən isti yemək yeməyib. Təcridxana yeməklərini yemir, evdən aparılan yeməklərə möhtacdır. Əvvəl özünə «Herkules» sıyığı hazırlayırdı, indi «Herkules» buraxmırlar. Başqa yeməkləri qaytarır (yəni qusur). Ancaq portağal dilimləri və nar şirəsi ilə aclıq hissini öldürdüyünü deyir».

««LOMKA» VƏZİYYƏTİNDƏ YATMAQ OLMUR»

Vəkil Leyla Yunusun səhhətinin ağır olaraq qaldığını deyir. Üstəlik, son vaxtlar kamera yoldaşlarının da sayının artıb:

«Hazırda kamerada 4 nəfərdirlər. Evdən yemək gəlir, vəkillə görüşdən sonra yeməklərin yoxa çıxdığını deyir. Kameraya bir narkoman yerləşdirilib. «Lomka» vəziyyətləri yaranır, yatmaq, dincəlmək mümkün olmur».

Leyla Yunus və əri Arif Yunus casusluq, maliyyə cinayətlərində ittiham olunur. Bu günlərdə həbsxanadan göndərdiyi məktubda Yunus mənəvi işgəncəyə məruz qaldığını yazırdı. Penitensiar Xidmət isə onun kamerasına yalnız həkimlərin girdiyini deyib, təzyiqlər barədə deyilənləri yalan adlandırıb. Qurum daha öncəki açıqlamalarında isə bütün məhbuslara eyni şərait yaradıldığını bildirirdi.

Günün bütün mövzuları

XS
SM
MD
LG