Kosovo parlamenti yeni kabineti təsdiqləyib.
Yeni hökumətə Priştinanın keçmiş meri İsa Mustafa rəhbərlik edir.
Onun rəhbərlik etdiyi Demokratik Liqa partiyası dekabrın 8-də getməkdə olan baş nazir Hashim Tachinin Demokrat partiyası ilə koalisiya razılaşması imzalayıb.
Tachi yeni hökumətdə xarici işlər naziri olacaq.
Kosovo 2008-ci ildə müstəqilliyini bəyan etdikdən sonra hökumətə Hashim Tachi rəhbərlik edirdi.
Hazırda Kosovonu 100-dən çox ölkə tanıyır.
Amma Serbiya başda olmaqla Rusiya və bir sıra ölkələr hələlik onun müstəqilliyini tanımırlar.
Kosovo ilə münasibətlərin normallaşması Serbiyanın Avropa Birliyinə qəbul edilməsində əsas şərtlərdən biridir.