-
Latviyalı bəstəkar, pianoçu Raymond Pauls bildirib ki, dövlət tədbirlərində çıxış etməkdən imtina edib.
Alla Pugachova, Layma Vaykule-nın oxuduğu bir çox hitlərinin müəllifi olan SSRİ xalq artisti Pauls Latviya hökumətinin yürütdüyü siyasətin onu məyus etdiyini deyib.
Pauls noyabrın 18-də Latviyanın müstəqillik günündə çıxış etmək təklifini də qəbul etməyib. O, xarici ölkələrə gedən rəsmi nümayəndə heyətlərinə də qoşulmur:
“Mənə tez-tez Gürcüstana və prezidentiylə şəxsən tanış olduğum Özbəkistana səfərlər təklif edirlər. Amma deyirəm ki, bu nümayəndə heyətinin tərkibində getmərəm. Özü də, açığı, məni orda bunlardan daha yaxşı tanıyırlar”.
Bəstəkar Litva siyasətçilərini “Latvijas Krājbanka” bankının 2011-ci ildə müflis olmasında günahkar sayır.
Həmin müflisləşmə zamanı Pauls xeyli pul itirmişdi.
