Keçid linkləri

logo-print
2016, 05 Dekabr, Bazar ertəsi, Bakı vaxtı 14:59

-

«Naxçıvanda dini durum sabitdir. Burada din xadimlərinə böyük hörmət var. Qanunvericiliyə zidd fəaliyyət olarsa, qarşısı qətiyyətlə alınacaq. Naxçıvanda dini zəmində qarşıdurma olmayıb və bundan sonra olmayacaq».

Bunu Naxçıvanın Dini Qurumlarla İş üzrə İdarəsinin (DQİİ) rəisi Vüqar Babayev «Şərq qapısı» qəzetinə bildirib.

Onun dediyinə görə, muxtar respublikada dini məsələləri tənzimləmək üçün komissiya yaradılıb:

«Bu komissiyaya Ali Məclis sədrinin, daxili işlər, təhsil nazirlərinin müavinləri, DQİİ sədri nə muxtar respublikanın qazisi daxildir. Komissiya ildə bir dəfə Ali Məclisə hesabat verəcək. Bu komissiya yas mərasimlərinin dini qaydada keçirilməsinə nəzarət edəcək. Komissiya, həmçinin, din xadimlərinin yas yerlərində radikalizm meyllərindən uzaq durmalarına nəzarət edəcək, radikal dini təriqətlərin formalaşmasına imkan verilməməsi sahəsində birgə fəaliyyət göstərəcək».

TAKSİ SÜRÜCÜLƏRİ VƏ DİN XADİMLƏRİNİN ÖZƏL GEYİMLƏRİ...

Vüqar Babayev dindarların vahid geyim məsələsinə də toxunub:

«Bir sıra Avropa ölkələrində olduğu kimi, bizdə də taksi xidməti göstərən şəxslərin özünəməxsus geyimləri vardır. O cümlədən muxtar respublikada qeydiyyatdan keçən bütün din xadimləri vahid geyim forması ilə təmin olunublar. Bu geyimlər dövlət tərəfindən onlara ödənişsiz olaraq verilib. Hər bir din xadimi iki dəst geyim forması və ayaqqabı ilə artıq təmin edilib. Yas yerlərində din xadimlərinin bu geyimləri geyinmələri məcburi xarakter daşıyır».

Bir müddət öncə Naxçıvanda dindarların saxlandığı və onlara təcridxanada işgəncələr verildiyi haqda məlumatlar yayılmışdı. Həmin şəxslərin AzadlıqRadiosuna bildirdiyinə görə, həmin işgəncələrdə Naxçıvanın daxili işlər naziri Əhməd Əhmədov şəxsən özü iştirak edib.

Naxçıvan Muxtar Respublika Daxili İşlər Nazirliyindən isə dindarların saxlanması və işgəncə ilə bağlı yayılan məlumatları təkzib etmişdilər.

Günün bütün mövzuları

Şərhləri göstər

XS
SM
MD
LG