Keçid linkləri

logo-print
2016, 04 Dekabr, bazar, Bakı vaxtı 04:05

«Gülər Əhmədovanın YAP-a qayıtması müzakirə olunmur»


Yeni Azərbaycan Partiyasının (YAP) icra katibinin müavini, millət vəkili Siyavuş Novruzov

Yeni Azərbaycan Partiyasının (YAP) icra katibinin müavini, millət vəkili Siyavuş Novruzov

Yeni Azərbaycan Partiyasının (YAP) icra katibinin müavini, millət vəkili Siyavuş Novruzov APA-ya deyib ki, sabiq deputat Gülər Əhmədovanın partiyaya qaytıması müzakirə olunmur:

«G. Əhmədovanın üzərində hələ ki məhkumluq var. Məhkumluq bitdikdən sonra o, hansısa rayon təşkilatına müraciət edə bilər və onun müraciətinə də müvafiq cavab verilər. Cavabı da elə müraciət etdiyi rayon təşkilatı verə bilər. Yəni bu, YAP-ın mərkəzi aparatının, İcra Katibliyinin konfidensiyasına daxil olan məsələ deyil. Bu barədə rayon təşkilatı özü qərar verəcək, çünki məsuliyyəti də o özü daşıyır».

YAP Yasamal rayon təşkilatının sədri Fikrət İsmayılov mətbuata açıqlamasında deyib ki, Gülər Əhmədovanın partiya üzvlüyünə qəbul edilməsi yuxarı təşkilatların ona qarşı olan münasibətindən asılıdır.

Fəaliyyəti dayandırılmış Azərbaycan Beynəlxalq Universitetinin sabiq rektoru Elşad Abdullayevin yaydığı qalmaqallı videodan sonra Gülər Əhmədova mandatından imtina edib və barəsində həbs-qətimkan tədbiri seçilib. G. Əhmədova Cinayət Məcəlləsinin 178.3.2-ci (etibardan sui-istifadə etməklə özgənin külli miqdarda əmlakını ələ keçirmə) və 307.2-ci (qabaqcadan vəd etmədən ağır cinayəti gizlətmə) maddələri ilə təqsirləndirilib.

Bakı Ağır Cinayətlər Məhkəməsinin hökmü ilə G. Əhmədova 3 il müddətinə azadlıqdan məhrum edilib. Hökmdən narazı qalan təqsirləndirilən şəxsin vəkili Əfsər Talıbov isə apellyasiya şikayəti ilə məhkəməyə müraciət edib. Bakı Apellyasiya Məhkəməsinin qərarı ilə Cinayət Məcəlləsinin 70-ci maddəsi tətbiq olunmaqla Gülər Əhmədova barəsində 3 il sınaq müddəti təyin olunmaqla cəzası şərti hesab edilib.

Günün bütün mövzuları

XS
SM
MD
LG