Keçid linkləri

2016, 11 Dekabr, bazar, Bakı vaxtı 06:49

-

İnsan başının çəkisi 3-4 kilodur. Yəni belimizi düz saxlayanda fəqərə sütunumuza məhz bu qədər ağırlıq düşür.

Amma başımızı əyəndə fəqərə sütununun boyun hissəsinə düşən ağırlıq bir neçə dəfə artır.

Smartfonu olanlar gün ərzində üst-üstə saatlarla başı aşağı vəziyyətdə mesaj yaza, e-mail oxuya, oyun oynaya, kitab oxuya, sosial mediada qala bilər.

Bu isə boyun fəqərələrini deformasiyaya uğrada, hətta cərrahi müdaxiləyə ehtiyac yarana bilər.

“Washington Post” yazır ki, sağlamlıqla bağlı bu cür problemlər, boyun ağrıları, həkimlərin dediyinə görə, son 7 ildə artmağa başlayıb.

Nyu-Yorkdakı Onurğa Cərrahiyyəsi və Reabilitasiyası Mərkəzində çalışan cərrah Hansraj qəzetə deyib ki, başını əyib smartfon, tablet və başqa yeni cihazlarda iş görən insanların sayı milyonlarladır (məsələn, 18 yaşdan yuxarı amerikalıların yarısından çoxunun smartfonu var) və onların böyük hissəsi gənclərdir.

Amerika Fizioterapiya Assosiasiyasının prezidenti Tom DiAngelis isə CNN-ə deyib ki, bu vəziyyətin barmağı geri əyib saatlarla saxlamaqdan fərqi yoxdur.

Yəni əgər hansısa əzələ uzun müddət dartılmış vəziyyətdə qalırsa, iltihab prosesi başlanır.Vaxt keçdikcə, hətta insanın beli də donqarlaşa bilər.

Həkimlər deyirlər ki, onlar yeni texnologiyaların əleyhinə deyillər, sadəcə, smartfon və başqa cihazlara çox aludə olan insanlar özlərini həmin cihazlardan başlarını əymədən istifadə etməyə alışdırmalıdırlar.

Bağışlayın, hazırda bu bölmə işləmir.

Günün bütün mövzuları

XS
SM
MD
LG