Keçid linkləri

logo-print
2016, 03 Dekabr, şənbə, Bakı vaxtı 19:55

«ATƏT-in Minsk qrupunun həmsədrləri də beynəlxalq hüququ kənara qoyub»


Prezident Administrasiyası rəhbərinin müavini, Xarici əlaqələr şöbəsinin müdiri Novruz Məmmədov

Prezident Administrasiyası rəhbərinin müavini, Xarici əlaqələr şöbəsinin müdiri Novruz Məmmədov

-

«22 il ərzində Azərbaycan Qərblə əməkdaşlıqda böyük uğurlar qazanıb. Biz bu əməkdaşlığı daha da dərinləşdirmək istəyirik. Bu prosesdə QHT-lərin iştirakı vacibdir». APA-nın məlumatına görə, bunu Bakıda keçirilən beynəlxalq konfransda Prezident Administrasiyası rəhbərinin müavini, Xarici əlaqələr şöbəsinin müdiri Novruz Məmmədov deyib. Prezident yanında Qeyri-Hökumət Təşkilatlarına Dövlət Dəstəyi Şurasının təşkilatçılığı ilə keçirilən konfrans «QHT əməkdaşlığının nailiyyətləri və gələcək perspektivləri» adlanır.

QHT-LƏRİN MƏSULİYYƏTİ

N. Məmmədov bildirib ki, ötən əsrin ikinci yarısında yaranan QHT-lər bu gün mühüm əhəmiyyət kəsb edir. Vətəndaş cəmiyyəti quruculuğu ilə bağlı yaradılan QHT-lər artıq beynəlxalq münasibətlərin çox mühüm aktyoruna çevrilib: «Bu gün dünyada elə QHT var ki, geosiyasi aktyor kimi fəaliyyət göstərir və beynəlxalq siyasətə təsir göstərir. Son 22 ildə gedən proseslər çox səciyyəvidir. Varşava Müqaviləsi bağlanandan sonra dünya birqütblü oldu. Nə baş verir? Bu gərginlikdə QHT-lərin də məsuliyyəti var. Azərbaycan beynəlxalq terrorizmlə mübarizədə Qərblə mühüm əməkdaşlıq edib. Bu gün Əfqanıstana daşınan yüklərin 40 faizi Azərbaycan üzərindən həyata keçirilir. Biz həm siyasi, həm iqtisadi, həm mədəni sahədə Qərblə uğurla əməkdaşlıq edən ölkələrdənik».

NİYƏ BEYNƏLXALQ QHT-LƏR MÜNASİBƏT ORTAYA QOYMADI?

N. Məmmədov qeyd edib ki, dünyada hər kəs vəzifəsini vicdanla həyata keçirsəydi, belə gərgin vəziyyət yaranmazdı: «Qərb ikiqütblü dünya dağılandan sonra bütün proseslərə geosiyasi yanaşma ortaya qoydu, maraqlar əsas götürüldü, nəticədə dünyada gərgin vəziyyət yarandı. Məsələn, 5 gün əvvəl Azərbaycanın işğal altındakı ərazisində hərbi təlim keçirildi. Xatırladım ki, bir ay əvvəl Rusiya Ukrayna sərhədindən 150 km uzaqda hərbi təlim keçirirdi və Qərbdə bu təlimin kimə təhdid yaratması ilə bağlı həyəcanlı bəyanatlar səsləndi. Bəs niyə Azərbaycanın işğal olunmuş ərazisində aparılan təlimlərlə bağlı belə münasibət ortaya qoyulmadı? Azərbaycan həmin ərazilərdə 1994-cü ildən uçuşlara qadağa qoyub. Hətta bu gün də Qərb mediasında baş verən hadisə təhrif olunmuş formada çatdırılır. Bütün bunları ona görə deyirəm ki, bura əməkdaşlıq üçün yığışmışıq. Biz bu münaqişə ilə bağlı Qərbdən ədalətli mövqe istədik. ATƏT-in Minsk Qrupunun həmsədrləri niyə uğurlu addım ata bilmir? Çünki onlar da beynəlxalq hüququ kənara qoyub və BMT Təhlükəsizlik Şurasının 4 qətnaməsi barədə də heç vaxt danışmırlar. Azərbaycanın Dağlıq Qarabağ ərazisi, ətrafdakı 7 rayon işğal olunub, yüz minlərlə insan əsas hüquqlarından məhrum olub. Niyə beynəlxalq QHT-lər bunu demir? Postsovet məkanında yaranan dövlətlərə baxın, o dövlətlərin hamısı Qərbə inteqrasiya olunmaq istəyirdi. Ancaq indi o dövlətlər deyir ki, Qərbdən isti münasibət görmürlər».

DÜNYADA ƏDALƏT OLMASA...

N. Məmmədov daha sonra qeyd edib ki, Ermənistan son məqamadək Avropa İttifaqı ilə «Assosiasiya sazişi» imzalamaq istədiyini bəyan etsə də, Ermənistan prezidenti son gündə başqa ittifaqa daxil olduqlarını açıqlayıb: «Ukraynada Yanukoviç bir qədər vaxt istəyirdi, Ukraynada nələr baş verdi? Dünyada ədalət olmasa, beynəlxalq hüquqdan danışmaq olmaz. Belə məsələlər bu gün Azərbaycanı çox narahat edir. ATƏT-in Minsk qrupunun fəaliyyəti belə davam edərsə, biz bəlkə öz iradəmizlə bunu etməyə çalışaq? Bu, bizim hüququmuzdur. Hərbi təlimlər Azərbaycana qarşı təxribat idi. Ermənistanın hərbi helikopteri Ağdam rayonunda bir neçə dəfə əsgərlərimizin üstündən uçub, hətta əsgərlər imkan tapıb, onu videoya da çəkiblər».

N. Məmmədov bu gün dünyada baş verən geosiyasi proseslərin mahiyyətini anlayan QHT-lər olduğunu da söyləyib.

Günün bütün mövzuları

XS
SM
MD
LG