Keçid linkləri

2016, 06 Dekabr, çərşənbə axşamı, Bakı vaxtı 14:37

-

Prezident İlham Əliyev Qazax rayon məhkəməsinin hakimi Elnur Cəbiyevin səlahiyyətlərinə vaxtından əvvəl xitam verib.

Prezident.az saytının yaydığı məlumata görə, buna səbəb hakimin bir dəfələrlə qanunvericiliyin tələblərin kobudcasına pozması olub.

Prezidentin digər bir sərəncamı ilə Naxçıvan şəhər Məhkəməsinin hakimi və sədri Hüseyn Məmmədov vəzifəsindən azad edilib. O, Naxçıvanın Ağır Cinayətlər Məhkəməsinin hakimi və sədri təyin olunub.

2009-cu il fevralın 24-də Məhkəmə Hüquq Şurası Elnur Cəbiyevlə bağlı qərar qəbul edib. Həmin vaxt o, Astara rayon məhkəməsinin sədri idi.

Şura Elnur Cəbiyevin baxdığı işlərdə maddi və prosessual hüquq normalarının dəfələrlə pozulduğunu müəyyən etmiş, prezident İlham Əliyevdən onun iş yerinin dəyişdirilməsini istəmişdi.

Bundan sonra - 2009-2011-ci illərdə o, Neftçala, 2011-ci ildən isə Qazax rayon məhkəməsinin hakimi olub.

Günün bütün mövzuları

XS
SM
MD
LG