Keçid linkləri

2016, 08 Dekabr, Cümə axşamı, Bakı vaxtı 20:03

Vertolyotun vurulmasından sonra Dağlıq Qarabağ ətrafında vəziyyət

Qarabağda erməni hərbi birləşmələrinə məxsus vertolyotun vurulmasından sonra Azərbaycan və Ermənistan arasında bəyanatlar "atışması" davam edir.


- Noyabrın 12-də Dağlıq Qarabağdakı təmas xəttində ermənilərə məxsus Mi-24 vertolyotu vuruldu. Azərbaycan müdafiə nazirliyi hadisəni qarşı tərəfin aqressiv davranışı ilə izah edir. Ermənilər isə vertolyotun silahsız olduğunu iddia edirlər.

- Vertolyotun pilotlarının taleyi məlum deyil. Neytral zonada yerə düşən vertolyotda 3 pilotun olduğu və onların öldüyü ehtimal edilir. AzərbaycanMüdafiə nazirlyinin məlumatına əsasən, vertolyot Ermənistan ordusuna məxsus, onun pilotları da Ermənistan silahlı qüvvələrinin zabiti olublar.

- Hadisədən sonra prezident İlham Əliyev Azərbaycan ordusu əsgərləri ilə görüşərək Ermənistanın işğalçılıq siyasəti ilə bağlı kəskin bəyanatlar verdi.

- Ermənistan prezidenti də vertolyotla Qarabağa gələrək Azərbaycanı hədələyən çıxışlar etdi.

- Qarşılıqlı ittihamlar fonunda ATƏTin nümayəndləri regiona səfər edərək tərəflərlə danışıqlar aparır.

AzadlıqRadiosu regionda gedən hadisələri izləyərək canlı bloqu ən son xəbərlərlə yeniləyir. Postlar xronoloji ardıcıllıqla, ən yeni xəbərlər bloqun əvvəlində yerləşdirilir. Mətndən aşağıda göy rəngli "davamı" düyməsini basmaqla bloqu vərəqləmək, əvvəlki postlarla da tanış olmaq mümkündür

04:40 25.11.2014

ABŞ RƏSMİSİ ATƏT və VERTOLYOT SUALINA CAVAB VERDİ

ABŞ Dövlət departamentinin nümayəndəsinin brifinqində Azərbaycanda vurulan erməni vertolyotu haqda da sual səslənib.

- Belə başa düşürük ki, ATƏT nümayəndəsinə əraziyə girişdən ola bilər imtina edilib. Ətraflı məlumatı ATƏTin özündən almaq olardı. Amma ayıdndır ki, biz Dağlıq Qarabağ məsələsinin dinc yolla həllinə ehtiyac olduğunu görürük. - deyə ATƏT müşahidəçilərinin vertolyotun vurulduğu əraziyə buraxılması ilə bağlı ABŞ hansısa addımlar atırmı sualına Dövlət departamentinin mətbuat katibi Jeff Rathke cavab verib.

04:39 25.11.2014

S.Sarkisian Yerevan kilsəsindəki matəm mərasiminə gəldi

Noyabrın 24-də Surb Sarkis kilsəsində keçirilən mərasimdə Azərbaycan üzərində vurulan Mi-24 vertolyotu pilotları ilə vidalaşma mərasimi keçirilib. Kilsəyə gətirilən 3 qapalı tabut Qarabağın separatçı rejiminin bayrağına bürünmüşdü. Erməni tərəfi meyidlərin pilotlara məxsus olduğunu bəyan edir. Azərbaycan müdafiə nazirliyinə əsasən isə tabutlar ya boşdur, ya da orada Ermənistan ordusunda öldürülən başqa hərbçilərin meyidləridir - 2 gün əvvəl verilən bəyanatda Azərbaycan tərəfi əmin edir ki, heç bir erməni əməliyyatı olmayıb və Ermənistan rəhbərliyi öz cinayətlərini gizlətmək istəyir. Tabutlarda erməni pilotlarının olduğuna Ermənistanda şübhə edən yoxdur. Əksinə, onlar Azərbaycan ordusunun mövqeləri qarşısından meyidlərin çıxarılması əməliyyatı ilə fəxr edir, bunu az qala hərbi uğur kimi təqdim edirlər. Ermənistan mediasında Qarabağdakı "xüsusi əməliyyatın" keçirilməsini sübut etməyə yönələn çoxlu material dərc olunub. Onlardan birində ərazinin pilotsuz təyyarədən çəkilən şəkilləri yayımlanır. "Xüsusi əməliyyat"dan əvvəl və sonra çəkildiyi iddia olunan bu fotolar Qarabağdakı qondarma respublikanın müdafiə nazirliyi adından yayılır. Onlardan biri hətta Azərbaycan dilində hazırlanıb ki, bu da dolayısı ilə separatçıların vertolyot ətrafında informasiya müharibəsinə böyük diqqət yetirməsindən xəbər verir. Bir neçə gün əvvəl erməni tərəfi pilotlardan birinin meyidinin görüntülərini yaymışdı. Day.az saytı bununla bağlı Azərbaycan müdafiə nazirliyinə istinadən yazır ki, böyük sürətlə yüksəkdən düşən və alışıb partlayan vertolyotun gövdəsindən çıxmaq üçün ermənilərin göstərdiyi meyidi həddən artıq zərərsiz görünür.

14:55 24.11.2014

Noyabrın 12-də Ağdam rayonu üzərində vurulan erməni helikopterinin pilotları – Mayor Sergey Sahakian, leytenant Azat Sahakian və baş leytenant Sargis Nazarian.

Azərbaycan Prezident Administrasiyası rəhbərinin müavini Novruz Məmmədov deyir ki, erməni pilotlar Ermənistan rəhbərliyinin avantürist, təcavüzkar siyasətinin qurbanı olublar:

«Onlar öz xoşları ilə ora gəlməmişdilər. Ermənistan rəhbərliyi başa düşməlidir ki, xalqı bu cür fəlakətə aparmaq düzgün deyil».

10:27 23.11.2014

Erməni pilotlarının meyidləri haqda ziddiyyətli məlumatlar

Erməsnitan müdafiə nazirliyi az qala fəxrlə elan edir ki, xüsusi əməliyyat keçirərək meyidləri Azərbaycan ordusunun atəş altında saxladığı ərazidən çıxara bilib. Azərbaycan müdafiə nazirlyi əmin edir ki, məlumat yalandır.

Azərbaycan səmasında vurulan erməni hərbi vertolyotu ətrafında yeni mübahisələr yaranıb. Ermənistan bəyan edir ki, vertolyotun düşdüyü ərazidə xüsusi əməliyyat keçirərək erməni pilotlarının qalıqlarını çıxara biliblər, bu zaman 2 Azərbaycan əsgərinin də öldürüldüyü iddia olunur.

AzadlıqRadiosunun erməni xidməti Ermənistan müdafiə nazirlyinin mətbuat katibi Artsru Avanisian-dan sitat gətirir ki, xüsusi əməliyyat zamanı pilotların meyidləri və vertolyotun vacib hissələri ərazidən çıxarılıb. “Pusqudakı Azərbaycan əsgərlərinə yetirilən itkiləri də nəzərə alsaq, bacarıqla aparılan bu xüsusi əməliyyatın misli yoxdur” – bunu öz FB səhifəsində yazan Avanisian əlavə edir ki, bir neçə gündən sonra öldürülən Azərbaycan əsgərlərinin adı bəlli olacaq, Azərbaycan müdafiə nazirliyi onların bədbəxt hadisə nəticəsində təsadüfən həlak olduğunu elan edəcək.

Azərbaycan müdafiə nazirliyi xəbərin yalan olduğunu bildirərək onu Ermənistanın növbəti təxribatı adlandırır. Həmin istiqamətdə Azərbaycanın heç bir itki vermədiyini bildirən Azərbaycan müdafiə nazirliyi belə bir ehtimal irəli sürülür ki, Ermənistanın hərbi rəhbərliyi əvvələr həlak olan hərbçilərin meyidlərini nümayiş etdirməklə öz xalqını aldatmağa calışacaq. “Erməni tərəfindən tam fərqli olaraq Azərbaycan Müdafiə Nazirliyi cəbhədə baş verən hər bir itki barədə rəsmi surətdə dərhal ictimaiyyətə məlumat verir və şəhidlərin dəfn mərasimlərini təntənəli şəkildə təşkil edir” – deyə bəyanatda erməni tərəfininin ittihamlarına cavab səslənir.

AzadlıqRadiosunun erməni xidmətinin verdiyi məlumata görə, öldürülən pilotlardan birinin atası, Edgar Ayrapetian meyidlər arasında öz oğlunu tanıyıb.

Xatırladırıq ki, noyabrın 12-də vurulan vertolyot pilotlarının meyidlərinin çıxarılması üçün ATƏTin vasitəçiliyi ilə danışıqlar aparılırdı. Xəbər verilirdi ki, Azərbaycan meyidləri ermənilərin girov götürüb Xankəndində məhkəmə qurduqları 2 Azərbaycanlı ilə dəyişməyi təklif edir, Ermənistan isə təklifi rədd edir.

Danışıqlar zamanı ATƏTin istifadə etdiyi “neytral zona” ifadəsi ilə bağlı qalmaqal da yaranmış, Azərbaycanın etirazlarında sonra, ATƏT vasitəçiləri ifadəni “heç kimin nəzarət etmədiyi əraziyə” dəyişmişdilər. Regioan səfər edən A.Kasprzyk Xankəndinən vertolyotun düşdüyü əraziyə getməyə cəhd etsə də, sonradan fikrindən daşınaraq Bakıya səfər etmişdi.

Davamı

Şərhləri göstər

XS
SM
MD
LG