-
Noyabrın 15-dən Bakı-Naxçıvan və Naxçıvan-Bakı hava xətti ilə uçan sərnişinlərlə bağlı güzəştlərə dəyişiklik tətbiq edilir.
Nazirlər Kabinetinin təsdiqlədiyi dəyişikliyə görə, artıq bu xətlə yalnız 2 yaşına kimi uşaqlar pulsuz səyahət edə biləcək. 2-12 yaş arası uşaqlara bilet 10 manat güzəştlə satılacaq. Bu güzəşt il ərzində 2 dəfə nəzərdə tutulur. Bundan əvvəl isə 5 yaşına kimi uşaqlara bilet nəzərdə tutulmurdu.
Əlavə olaraq, yeni dəyişikliyə görə, 1-ci və 2-ci qrup əlillərə də bilet il ərzində 2 dəfə olmaqla 10 manatlıq güzəştlə satılacaq.
Bakı-Naxçıvan, Naxçıvan-Bakı xətti üzrə uçuş biletinin dəyəri 70 manatdır. Biletin dəyərinin 20 manatını dövlət ödəyir. Kassalarda bilet 50 manata satılır.