Keçid linkləri

2016, 10 Dekabr, şənbə, Bakı vaxtı 16:59

Elmar Məmmədyarov: «Bu 6 ay gərgin keçib»


Azərbaycanın xarici işlər naziri Elmar Məmmədyarov

Azərbaycanın xarici işlər naziri Elmar Məmmədyarov

-

Azərbaycan Avropa Şurası Nazirlər Komitəsinə (AŞNK) sədrliyi rəsmi şəkildə Belçikaya təhvil verib. Noyabrın 13-də Strasburqda keçirilən tədbirdə Azərbaycanın xarici işlər naziri Elmar Məmmədyarov çıxış edərək Azərbaycanın 6 aylıq sədrliyinin yekunlarına dair hesabat təqdim edib.

Cənab Məmmədyarov deyib ki, Azərbaycan sədrliyi dövründə Avropa Şurasının məqsədlərinin təşviq edilməsində əhəmiyyətli səylər göstərib:

«Bu altı ay qitəmizin tarixində çox gərgin keçib. Bunu nəzərdə saxlayaraq, Avropa Şurasının gündəliyindəki aktual məsələləri və üzv dövlətlərin qarşılaşdığı davamlı çağırışları nəzərə almaq Azərbaycanın sədrliyinin prioritetləri olub».

Nazir korrupsiyaya qarşı mübarizənin sədrliyin prioritet vəzifələrindən birini təşkil etdiyini deyib. O, Bakıda korrupsiyaya qarşı mübarizəyə həsr olunmuş konfransı xatırladıb. Cənab Məmmədyarov daha sonra sədrlik dövründə ölkədə keçirilmiş digər konfranslardan – idman, insan hüquqları, mədəniyyətlərarası dialoq tədbirləri, forumlardan bəhs edib.

Elmar Məmmədyarovun sözlərinə görə, sədrliyi ərzində Azərbaycan gənclər və təhsil məsələlərinə də diqqət ayırıb. Avropa Şurasının bu sahədəki səylərinə dəstək vermək məqsədilə Azərbaycan bəzi hallarda Avropa Şurasının coğrafiyasından kənara çıxan bir sıra beynəlxalq tədbirlər təşkil edib.

Nazirin fikrincə, Azərbaycan Avropa Şurası ilə digər beynəlxalq təşkilatlar arasında qarşılıqlı fəaliyyətin və əməkdaşlığın möhkəmləndirilməsi səylərini də gücləndirib. «Bu xüsusda, Azərbaycan hal-hazırda Birləşmiş Millətlər Təşkilatı ilə Avropa Şurası arasında əməkdaşlıq haqqında qətnamə layihəsi üzrə BMT-də konsensus əldə etmək üçün qeyri-rəsmi danışıqlar aparır».

Günün bütün mövzuları

XS
SM
MD
LG