ABŞ prezidenti Obama Çin tələbələri, iş adamları və turistləri üçün ABŞ-a viza müddətlərinin kəskin artırılmasını elan edib.
Pekində noyabrın 10-da Asiya sammiti çərçivəsində Obama elan edib ki, tələbə vizasının müddəti 5 ilədək artırılır. İndiki müddət 1 il idi.
Obama bildirib ki,biznes və turist vizaları 10 ilədək qüvvədə ola bilər, hazırda isə bunun müddəti 1 ildir.
Yeni qaydalar noybarın 12-dən qüvvəyə minir.
Qərb agentliklərinin məlumatına görə, ABŞ rəsmiləri hesab edirlər ki, Çinlilərə viza müddətlərinin artırılması ABŞ-a gələn çinli turistlərin sayını artıracaq, bu da ABŞ iqtisadiyyatına milyardlarla əlavə pul gətirəcək.