Keçid linkləri

2017, 17 Yanvar, çərşənbə axşamı, Bakı vaxtı 15:15

Ağalar Məmmədovun kitabı təkrar çap edildi


-
Filosof Ağalar Məmmədovun "AŞMA: fəlsəfi məqalələr və müsahibələr toplusu” ikinci dəfə çap edildi.

"Qanun Nəşrlər Evi"nin, ilk nəşrini 2 il qabaq buraxdığı kitab artıq satılıb qurtarıb.

Oxucuların marağını nəzərə alaraq, nəşriyyat kitabın genişləndirilmiş II çapını gerçəkləşdirib.

Kitabın II nəşri, müəllifin I nəşrdə çap olunmayan 1 məqaləsi və 1 müsahibəsi də daxil edilərək genişləndirilib.

Kitabda bütövlükdə 80-dən çox fəlsəfi məqalə və 4 müsahibə yer alıb.

Kitabda “Fəlsəfə işığında dil”, “Kulturo-etik yazılar”, “İslamın çadrasız üzü”, “Zaman, allah-insan, ölüm”, “Siyasi-ideoloji yazılar” kimi 10-dan çox əsas başlıq yer alıb.

"AŞMA: fəlsəfi məqalələr və müsahibələr toplusu” Dalğa Gənclər Hərəkatının (Dalğa GH) təşəbbüsü ilə çap edilib.

Kitab məqtul (qətl edilmiş) yazıçı-pubilisist Rafiq Tağının xatirəsinə həsr olunub.

Kitabda Dalğa GH-nın fəaliyyəti barədə də məlumat verilməklə yanaşı, Dalğa GH-nın həmtəsisçisi, Azərbaycan Avropa Hərəkatının prezidenti Ramin Hacılının ön sözü də Rafiq Tağı və müəllifin baxışları istiqamətindədir.

“Aşma”nı Bakının kitab mağazalarından əldə etmək olar.

XS
SM
MD
LG