-
Beynəlxalq Mahmud Kaşğarlı Hekayə Müsabiqəsinin Azərbaycan üzrə qalibləri müəyyənləşib.
Alpay Azər «Hikkəli qadın» hekayəsi ilə 1-ci, Natiq Məmmədli «Bekketə salam» hekayəsi ilə 2-ci, Vəfa Mürsəlqızı isə «Namus» hekayəsi ilə 3-cü yeri tutub.
25-ə yaxın ölkədə birinci yer tutan hekayələr Türkiyə türkcəsinə çevrilərək ayrı-ayrı türkdilli ölkə yazarlarından təşkil edilmiş münsiflər heyətinə təqdim olunacaq.
Ölkələrarası mükafatların təqdimatının bu il dekabr ayının 8-də Bakıda keçirilməsi nəzərdə tutulur. Azərbaycan üzrə müsabiqənin qaliblərinə mükafatlar da həmin mərasimdə təqdim olunacaq.
Müsabiqəni Avrasiya Yazarlar və Azərbaycan Yazıçılar birlikləri keçirir.
525.az
