Mərkəzi Seçki Komissiyasında [MSK] dairə seçki komissiyalarının yekun protokollarının qəbulu başa çatıb.
Gecə saat 12-yə kimi isə bələdiyyə seçkilərinin ilkin nəticələri tam şəkildə həm MSK-nın məlumat lövhəsində, həm də İnternet saytında yerləşdiriləcək. Bu barədə «Azadlıq» radiosuna MSK-nın mətbuat katibi Azər Sarıyev məlumat verib.
MSK dəqiq nəticələri seçkidən sonra ən geci 30 gün ərzində açıqlayacaq.
Oktyabrın 6-da 82 dairəni əhatə edən 603 bələdiyyəyə təkrar, əlavə, ilk və yeni seçkilər keçirilib.