Keçid linkləri

2016, 08 Dekabr, Cümə axşamı, Bakı vaxtı 08:10

-
“Mən həm yeməyi, həm də bişirməyi xoşlayıram, eləcə də, bir-birinə çox yaxın olan Azərbaycan və macar mətbəxini hədsiz dərəcədə sevirəm”

Bu sözləri “Azərbaycan- Macarıstan mətbəxi” kitabının təqdimat mərasimində Macarıstanın Azərbaycandakı səfiri Jolt Çutora səsləndirib.

Heydər Əliyev Fondunun, Heydər Əliyev Mərkəzinin və Macarıstanın Azərbaycandakı səfirliyinin dəstəyi ilə çap olunan kitabın tərtibçisi olan səfir bildirib ki, Azərbaycan mətbəxinə böyük sevgi ilə yanaşır və bu sevgi onu ölkəyə daha çox bağlayır.

Bakı şəhər Mədəniyyət və Turizm İdarəsinin yaydığı xəbərə görə, Azərbaycan və macar dillərində işıq üzü görən nəşrdə hər iki xalqa məxsus milli yeməklər, zəngin mətbəx nümunələri barədə ətraflı məlumat verilir.

Tədbirdə iştirak edən Macarıstanın xarici işlər və ticarət naziri Peter Siyarto qonaqlara macar mətbəxi nümunələrinin dadına baxmağı məsləhət görüb və bildirib ki, o özü də Azərbaycan mətbəxinin yeməklərindən dadacaq.

Macarıstanlı nazir kitabın nəşrini iki ölkə arasında olan dostluq əlaqələrinə töhfə kimi dəyərləndirib və vurğulayıb ki, yeni nəşri oxuyanlar hər iki xalqı daha yaxından tanıyacaq və sevəcək.

Günün bütün mövzuları

Şərhləri göstər

XS
SM
MD
LG