Keçid linkləri

logo-print
2016, 06 Dekabr, çərşənbə axşamı, Bakı vaxtı 07:19

-

Həbsdə olan hüquq müdafiəçisi İntiqam Əliyevlə bağlı aparılan müayinələrin nəticəsi açıqlanıb.

Hüquq müdafiəçisinin qızı Nərmin Kamilsoyun AzadlıqRadiosuna bildirdiyinə görə, onun boyun nahiyəsində osteoxondroz (duzlaşma), belində isə protruziya (yırtıq) aşkar edilib.

Oktyabrın 31-də İntiqam Əliyevlə görüşən Nərmin Kamilsoy bildirir ki, atası etiraf etməsə də, onun səhhətində ciddi geriləmə hiss olunur:

«Pozitiv görünməyə çalışsa da, ayaqüstə dayana bilmir. Bu da belindəki yırtığa görədir. Bizə bildirdilər ki, müalicə ambulator şəraitdə davam edəcək. Baş ağrıları artıb. Özünün dediyinə görə, bu, həbsdən sonra əsəb sisteminin pozulduğuna və psixoloji gərginlik keçirdiyinə görədir. Gün ərzində cəmi 2-3 saat yata bilir. Çox sayda əsəbləri sakitləşdirən dərmanlar qəbul edir».

Nərmin Kamilsoy deyir ki, atasının səhhətinin ağırlaşmasına digər səbəb saxlanıldığı kamerada istilik sisteminin olmamasıdır:

«Kameralar çox soyuq olduğu üçün atam tez-tez qrip olur. Təcridxananın istilik sistemi noyabrın 15-də işə salınacaq. Ancaq söz veriblər ki, kameraya qızdırıcı veriləcək».

İntiqam Əliyevin səhhəti oktyabrın 24-də keçirilən məhkəmə prosesində pisləşmişdi. İstintaq orqanı onu müayinə üçün Onkoloji Mərkəzə aparmışdı.

İntiqam Əliyev avqustun 8-də qanunsuz sahibkarlıq, vergidən yayınma, vəzifə səlahiyyətlərindən sui-istifadədə ittiham olunaraq həbs edilib.

Günün bütün mövzuları

XS
SM
MD
LG