-
Noyabrın 8-dən 11-dək İstanbulda XXXIII Beynəlxalq Kitab Sərgi-Yarmarkası keçiriləcək.
Mədəniyyət və Turizm Nazirliyinin yaydığı xəbərə görə, builki sərgidə ölkəni Mədəniyyət və Turizm Nazirliyinin, Nazirlər Kabineti yanında Tərcümə Mərkəzinin, "Hədəf Nəşrlər Evi", "Qələm" və "Altun kitab" nəşriyyatlarının əməkdaşlarından ibarət heyət təmsil edəcək.
Azərbaycan stendində dövlətçilik tarixi, Qarabağ həqiqətləri, mədəniyyət və incəsənətə dair nəşrlər təqdim olunacaq.
Azərbaycan, türk, ingilis, alman, fransız və rus dillərində olan nəfis tərtibatlı kitablar, turizm haqqında müxtəlif bukletlər, eyni zamanda 2015-ci ildə Bakıda keçiriləcək İlk Avropa Oyunları ilə bağlı nəşrlər, ölkənin ev sahibliyi edəcəyi beynəlxalq tədbir haqqında dolğun informasiyaların əks olunduğu broşür və bukletlər yerləşdiriləcək.
