Son məlumata görə, Rosneft şirkətinin prezidenti Sechin deyib ki, Kommersant qəzetini mütləq məhkəməyə verəcəklər. O jurnalistlərə məsləhət görüb ki, yoxlanmış informasiya versinlər, dedi-qodu yox.
Sechin hesab edir ki, belə yazı "əks sanksiya fəaliyyətini provokasiya edir".
***
Rosneft şirkəti Kommersant qəzetini məhkəmə ilə hədələyir. Kommersant qəzeti yazıb ki, Rosneft Putinə Qərbə qarşı əks-sanskiyalar təklif edib.
Bunlara kosmosda ABŞ-la əməkdaşlqdan imtina, Rusiyada ABŞ-ın və Avropa Birliyinin nüvə tullantılarının basdırılmasından imtina,Rusiyada Qərb şirkətlərinin və vətəndaşlarının əmlaknın müsadirəsi kimi tədbirlər daxildir. Bunu Kommersant oktyabrın 29-da yazıb.
Putinin sözçüsü Peskov Rosneftin Putinə hər hansı təklif verməsini inkar edir. Ancaq Putinin iqtisadi müşaviri Belousov və iqtisadiyyat naziri İlyukaevin dedikləri Peskovun dedikləri ilə düz gəlmir.
TASS-ın məlumatına görə, Belousov Rosneftin təkliflərinin yaxından öyrənildiyini deyib. O hətta deyib ki, Rosneftin təkliflıərində radikallıq indiki gərginliyi ötüb-keçir.
İnterfaksın məlumatına görə, Ulyukayev deyib ki, Rosneftin təklifləri çox mürəkkəb sənəddir, ancaq o düşünmür ki, bunlar hər hansı qərar verməyə əsas olsun.
Rosneftin verdiyi bəyanatda isə deyilir ki, şirkət Kommersantın yazdıqlarından dərin şoka düşüb və qəzeti məhkəməyə verə bilər.
