Keçid linkləri

logo-print
2016, 03 Dekabr, şənbə, Bakı vaxtı 18:08

Leyla Yunus Bakı İstintaq Təcridxanasına qaytarılacaq


Sülh və Demokratiya İnstitutunun həbsdə olan direktoru Leyla Yunus

Sülh və Demokratiya İnstitutunun həbsdə olan direktoru Leyla Yunus

Sülh və Demokratiya İnstitutunun həbsdə olan direktoru Leyla Yunusun Bakı İstintaq Təcridxanasından Milli Təhlükəsizlik Nazirliyinin istintaq təcridxanasına köçürülməsi müvəqqəti xarakter daşıyır, o, yenidən Bakı İstintaq Təcridxanasına qaytarılacaq. Bunu «Media forum» saytına vəkil Xalid Bağırov deyib.

Leyla Yunus iyulun 30-da həbs edilib. Onun həyat yoldaşı, Sülh və Demokratiya İnstitutunun eksperti Arif Yunus da həbsdədir. Arif Yunus avqustun 5-də tutulub. Onlar dövlətə xəyanətdə və maliyyə cinayətlərində ittiham olunurlar. Hər iki şəxsin istintaqını Baş Prokurorluğun Ağır Cinayətlərə Dair İşlər üzrə İstintaq İdarəsi aparır.

Arif Yunus tutulandan MTN təcridxanasında, Leyla Yunus isə Bakı İstintaq Təcridxanasında saxlanır. Lakin oktyabrın 20-də Leyla Yunus da MTN-in istintaq təcridxanasına aparılıb.

Oktyabrın 22-də vəkil Xalid Bağırov «Media forum» saytına bildirib ki, Leyla Yunusun MTN təcridxanasına aparılması istintaq hərəkətləri ilə bağlı olub. Vəkilin sözlərinə görə, həmin istintaq hərəkətləri oktyabrın 21-də başa çatıb, bu səbəbdən Leyla Yunus yenidən Bakı İstintaq Təcridxanasına qaytarılacaq. Amma vəkil bunun nə vaxt reallaşacağını dəqiq bilmədiyini söyləyib.

Günün bütün mövzuları

XS
SM
MD
LG