Ukrayna prezidenti Petro Poroshenko deyib ki, bu qış Ukraynada Rusiya qazı olacaq. Prezidentin sözlərinə görə, yalnız bu qazın qiymətini razılaşdırmaq qalır.
O deyib ki, tərəflər martın 31-nə kimi Ukraynanın aldığı qazın hər 1000 kub metrinə 385 dollar verəcəyinə razılaşıblar. Poroshenko deyib ki, Ukrayna yayda aldığı qaza 325 dollar, qışda aldığı qaza 385 dollar qiymətini təklif edirdi, ancaq Rusiya bütün il boyu qaza eyni 385 dollar qiymətində təkid edir.
Tərəflər oktyabrın 21-də Brüsseldə qaz danışıqlarını davam etdirəcək.