-
Xalq şairi Hüseyn Arifin 90 illiyinə həsr olunmuş təntənəli yubiley tədbiri keçiriləcək.
Mədəniyyət və Turizm Nazirliyinin təşkilatçılıyla Prezident Sərəncamına əsasən təşkil olunan tədbirdə bir çox elm, mədəniyyət xadimləri və müvafiq dövlət strukturları iştirak edəcək, Hüseyn Arifin zəngin həyat yolu, fəaliyyəti və yaradıcılığından söhbət açılacaq, şeirləri səsləndiriləcək.
Tədbirdə şairin sözlərinə bəstələnmiş mahnılar ifa olunacaq, şairlə bağlı maraqlı video çarx göstəriləcək.
1924-cü ildə Ağstafa rayonunda doğulan Hüseyn Arif zəngin ədəbi həyat yolu keçib, yaradıcılığını xalq və aşıq poeziyası üzərində kökləyən, şifahi və yazılı ədəbiyyatın vəhdətində yazıb-yaradan bir sənətkar olub.
Qırx ilə yaxın ədəbi fəaliyyət göstərən şair yaradıcılıq üslubu ilə aşıq poeziyasını zənginləşdirib, ədəbiyyata yeni nəfəs gətirib.
Şairin şeirlərinə dillər əzbəri olan çox sayda mahnılar bəstələnib.