Keçid linkləri

logo-print
2016, 03 Dekabr, şənbə, Bakı vaxtı 02:49

-

Bölgələrdə yaşayan istedadlı gənc yazarların yaradıcılıq örnəklərini bir yerə toplayan «Bölgələrdən Səslər» antologiyasının ikinci cildi çıxıb.

Dünya Gənc Türk Yazarlar Birliyindən AzadlıqRadiosuna verilən xəbərə görə, kitab Prezident yanında Gənclər Fondunun maliyyə dəstəyi ilə həyata keçirilən «Paytaxtdan bölgələrə... Bölgələrdən paytaxta...» adlı layihə çərçivəsində işıq üzü görüb.

Nəşrdə Azərbaycanın müxtəlif bölgələrində yaşayıb-yaradan 62 istedadlı yazarın yaradıcılığından örnəklər yer alıb.

İşin diqqət çəkən yönlərindən biri də antologiyanın gənc yazarların öz həmkarları tərəfindən tərtib edilməsidir.

Gənc yazarlardan İntiqam Yaşar (Gədəbəy), Gülnar Səma (Tovuz), Şəfa Vəli (Gəncə) və Tural Adışirinin (Şəki) tərtibçisi olduqları antologiyanın məsləhətçiləri yeni nəsil yazarlardan Elxan Yurdoğlu (Naxçıvan MR), Elşən Əzim (Mingəçevir), Əlirza Həsrət (Cəlilabad), gənc yazıçı-dramaturq Rəvan Tohidoğlu və şair Dəyanət Osmanlıdır.

Gənc yazarlardan Əfsanə Ələsgərlinin «ön söz» yazdığı antologiyanın redaktorları şair-publisist Əkbər Qoşalı və Rəsmiyyə Sabirdir.

Kitab «Nurlan» nəşriyyatında çıxıb.

Antologiya oktyabrın 18-də saat 12.00-də Gəncliyə Yardım Fondunun H. Z.Tağıyev adına Konfrans Salonunda (Bakı, Cəfərov qardaşları küçəsi-16) təqdim ediləcək.

Günün bütün mövzuları

XS
SM
MD
LG