Keçid linkləri

logo-print
2016, 05 Dekabr, Bazar ertəsi, Bakı vaxtı 21:02

«Azərbaycan muğamının şahzadəsi» Şanxayda konsert verəcək


Xanəndə Qoçaq Əsgərov,“Shanghai World Music Festival-2014”

Xanəndə Qoçaq Əsgərov,“Shanghai World Music Festival-2014”

-

Gənc xanəndə Qoçaq Əsgərov Çinin ən böyük şəhərlərindən olan Şanxayda “Shanghai World Music Festival-2014” festivalı çərçivəsində üç günlük konsert proqramı ilə çıxış edəcək.

Bakı şəhər Mədəniyyət və Turizm İdarəsinin yaydığı xəbərə görə, oktyabrın 16-da səhnəyə çıxacaq xanəndənin çıxışından əvvəl musiqişünas, UNESCO-nun eksperti Sənubər Bağırova iştirakçılara Azərbaycan musiqisi, muğamları haqqında məlumat verəcək.

Q. Əsgərov bildirib ki, bu dəvət ona dünya ulduzlarının konsertini təşkil edən məşhur menecer Lijiang Tang tərəfindən edilib:

”İngiltərədəki konsertimi dinləyən menecer mənim səsimi festival dinləyicilərinə eşitdirmək qərarına gəlib. Konsertdə “Mahur”, “Şur” muğamları, “Bayatı-Şiraz”, “Şüştər” təsnifləri və xalq mahnılarını səsləndirəcəyəm”.
Xanəndəni tarda Şəhriyar İmanov, kamançada Elnur Mikayılov, nağarada Kamran Kərimov müşayiət edəcək.

Konsertin afişaları artıq Şanxayın küçələrinə vurulub.

Maraqlıdır ki, Qoçaq Əsgərov ictimaiyyətə “Azərbaycan muğamının şahzadəsi” kimi təqdim edilib.

Günün bütün mövzuları

Şərhləri göstər

XS
SM
MD
LG