-
Futbol üzrə Avro-2016-nın seçmə mərhələsi çərçivəsində oktyabrın 10-da Azərbaycan milli komandası Palermoda İtaliya ilə qarşılaşıb.
Hesabı 44-cü dəqiqədə Giorgio Chiellini açıb.
77-ci dəqiqədə yenə Chiellini fərqlənib. Bu dəfə «Yuventus»un müdafiəçisi avtoqola imza atıb.
Lakin meydan sahiblərinin bu «fədakarlığı» da Berti Vogts-un səfərdə İtaliya ilə heç-heçə edib qəhrəmana çevrilməsinə imkan verməyib. Belə ki, Chiellini 82-ci dəqiqədə günahını yuyaraq qələbə qolunu vurub.
Beləliklə, Bakıda Bolqarıstana 2:1 hesabı ilə məğlub olan Azərbaycanın əsas yığma komandası yenə meydanı başıaşağı tərk edib.
Azərbaycan futbolçuları İtaliyada: sensasiyanın bir neçə dəqiqəliyində
Oktyabrın 10-da futbol üzrə Avropa 2016 çempionatının seçmə qruplarında 2-ci turun oyunları keçirilib. Palermoda Azərbaycan yığmasını qəbul edən İtaliya futbolçuları 2-1 hesabı ilə qalib gəldilər. Uzun müddət oyunda hesab açılmadı. İkinci hissədə İtaliya birinci qolu vurdu. Oyunun sonunda Azərbaycan futbolçularının nadir hücumlarından biri qol ilə nəticələndi 1-1. Lakin Azərbaycan millisini azarkeşlərinin sevinci çox çəkmədi, oyunun son dəqiqələrində meydan sahibləri qələbəni qoparmağa nail oldular 2-1