Belarus polisi Ukraynanın 100 nəfərə yaxın futbol azarkeini saxlayıb. Onlar oyun vaxtı Rusiya prezidenti Putin haqda təhqiramiz şüarlar qışqırırmış. Eyni ittihamla 30 Belarus azarkeşi də saxlanıb.
Minskdə Avro-2016 seçmə oyununda Belarusla Ukrayna yığmaları qarşılaşırdı.
Oyun vaxtı tutulanların əksəriyyəti buraxılıb. Oktyabrın 10-da məhkəmə 12 ukraynalıya 5 sutkadan 10 sutkayacan həbs cəzası kəsib. Onlar xuliqanlıqda günahkar bilinib. 12 belaruslu azarkeş isə cərimələnib.