-
Beynəlxalq Əmək Təşkilatı (BƏT/ILO) dördgünlük iş həftəsinə keçməyi təklif edib. Hələlik, bir çox biznesmen, o sıradan «Google» bu fikri dəstəkləyib.
BƏT təmsilçisi John Messenger-in bildirdiyinə görə, qurum bu təklifi o üzdən irəli sürüb ki, dördgünlük iş həftəsinə keçməyə bir neçə əsas var. O bu əsaslar sırasında emal işlərinin sağlamlığa təsirini, iş yerlərinin sayca artırmaq imkanını, eləcə də işdə az vaxt keçirən insanların özünü daha xoşbəxt hiss etməsini və daha məhsuldar çalışmasını göstərib.
Dördgünlük iş həftəsinin ətraf mühitə daha yaxşı təsir etməsi, enerjiyə qənaət imkanı verməsi, iş yerinə gediş-gəlişin azalması ilə hava kirliliyinin azalması da ayrıca qeyd olunub.
BƏT-in fəaliyyəti bütün ölkələrdə iş şəraiti və həyatın daha da yaxşılaşdırılmasına, məşğulluğun həvəsləndirilməsinə, işçi qüvvəsi potensialının açılmasına və sosial qurumların inkişafına yönəlib.
