-
Təhsil Nazirliyi müəllim olmaq istəyən birinci kurs tələbələrinə 100 manat təqaüd verəcək.
Təhsil Nazirliyinin ictimaiyyətlə əlaqələr şöbəsinin müdiri Cəsarət Valehov AzadlıqRadiosuna bildirib ki, nazir Mikayıl Cabbarovun yeni əmri ilə ən yüksək bal toplayan gələcək müəllimlər 100 manat təqaüd alacaq.
Bu il tələbə adını qazanmış və ayrı-ayrı fənlər üzrə müəllimlik ixtisasına müraciət edən 300 tələbə 500 və 500-dən çox bal toplayıb.
Təqaüdə düşən tələbələr daha çox riyaziyyat, xarici dil (ingilis), Azərbaycan dili və ədəbiyyatı fənnini seçib.