NATO-nun yeni baş katibi Stoltenberg deyib ki, Ukraynada atəşkəs yeni imkandır. Ancaq Rusiyanın Ukraynanın sabitliyini pozmağa gücü var.
Stoltenberg oktyabrın 1-də Brüsseldə mətbuat konfransında deyib ki, Rusiya beynəlxalq qanunlara riayət etməlidir və beynəlxalq öhdəliklərinə hörmət etdiyini göstərməlidir.
O deyib : “biz Ukraynada atəşkəsin pozulduğunu görürük”.
Yeni baş katib Rusiya ilə konstruktiv münasibətlərlə güclü NATO planları arasında heç bir ziddiyyət görmədiyini bildirib.
Stoltenberg NATO-nun 65 illik tarixində 13-cü baş katib oldu.