Avropa Komissiyasının rəhbəri Barroso bildirir ki, Avropa Birliyi ilə Ukrayna arasında ticarət sazişini yalnız Kiyev və Brüssel dəyişə bilər, Moskva yox.
Barroso bunu Putinə məktubunda yazıb.
Həmin məktub oktyabrın 1-də açıqlanıb.
Ukrayna ilə Avropa Birliyi arasında həmin sazişi Ukrayna parlamenti keçən ay təsdiqlədi. Ancaq sazişin icrası 2016-cı ilin əvvəlinə qədər təxirə salındı.
Barroso məktubunda Rusiyaya xəbərdarlıq edir ki, Rusiya yeni ticarət addımları atsa, bu Rusiya ilə Avropa Birliyinin Ukrayna sazişini təxirə salmaq haqda razılaşmasını dəyişə bilər.